Аталмыш мобильді қосымша арқылы оқиға орнынан хабарламалар, фотосуреттер мен бейнелер жіберуге болады, деп хабарлайды @Pavlodarnews.kz тілшісі.

Тәртіп сақшыларына 25 азамат «Рolice 102» мобильдік қосымшасы арқылы жүгінген. 

Азаматтардың хабарламаларын қабылдаудың көп арналы процесі ішкі істер органдарының бірыңғай терезесінде әртүрлі байланыс арналары арқылы халықпен өзара әрекеттесуге мүмкіндік береді. Сондай-ақ, бейне қоңыраулар шалу мүмкіндігі бар.

Мұндай жүйенің артықшылығы –  полиция операторы оқиға орнында не болып жатқанын онлайн режимінде көре алады, қоңырау шалушының орналасқан жерін дереу анықтап, жедел әрекет ету шараларын қолдана алады.

–  Мысалы, мобильді қосымша арқылы қала тұрғынынан Жеңіс алаңы – Академик Бектұров көшелерінің қиылысында «Skoda» автокөлігінің жүргізушісі апатты жағдай туғызғаны туралы мәтіндік хабарлама түсті. Кезекші хабарлама дереу автопатрульге берілді. Жол белгілерімен немесе жолдың жүру бөлігін белгілеумен белгіленген талаптарды сақтамағаны үшін жүргізуші жауапқа тартылып, айыппұл салынды, –  деді облыстық полиция департаментінде.

Полиция қызметкерлері AppStore және PlayMarket дүкендерінде тегін жүктеп алуға болатын «102» мобильді қосымшасы арқылы азаматтар жеке деректерге сәйкес тіркелетінін және оларды қолжетімді тәсілдермен (электрондық пошта, телефон нөмірі) растайтынын еске салады. Осыдан кейін ол ЖБО операторына бейне және аудио қоңыраулар шалуға, сондай-ақ полицияға өтініштер, шағымдар мен өтініштер беруге мүмкіндігі бар.