Экспозицияда 100-ден астам кескіндеме, графика, мүсін және сәндік-қолданбалы өнер туындылары ұсынылады, деп хабарлайды @Pavlodarnews.kz.

27 желтоқсанда сағат 11:00-де Н.Нұрмұхаммедов атындағы облыстық көркемсурет музейінде «Біздің мұра» атты көрме ашылады. Ол музейдің 60 жылдығына арналады.

Көрмеге Әбілхан Қастеев, Жаңатай Шарденов, Әубәкір Исмаилов, Гүлфайрус Исмаилова, Айша Ғалымбаева, Сахи Романов сияқты танымал шеберлердің, сондай-ақ аты шықпаған, алайда талантты авторлардың жұмыстары кіреді.

Сондай-ақ, ашылу күні музей қорындағы ең үздік туындыларды қамтитын мерейтойлық каталогтың тұсаукесері өтеді. Ол павлодарлықтарға музейдің тарихы мен дамуы туралы тереңірек түсінуге мүмкіндік береді.