Ол облыстағы үш қалада қолға алынуда, @Pavlodarnews.kz тілшісі.

Павлодар қаласы әкімдігінің баспасөз қызметінің мәлімдеуінше, 15 наурызда өңірдегі қалаларда қоғамдық көлікте жол жүру барлық санаттағы жолаушылар үшін тегін болмақ.

– Осы күні павлодарлық жолаушылар автобус пен трамвайлардың 20-дан астам қалалық бағыттарын тегін пайдалана алады. Қоғамдық көлік қозғалыс кестесіне сәйкес штаттық режимде жұмыс істейді. Ал басқа күндері тегін жол жүру қарастырылмаған, – делінген хабарламада. 

Айта кетелік, бұл күні Екібастұз бен Ақсу қаласының тұрғындарына да қалаішілік тасымал үшін жолақысын төлеудің қажеті болмайды.

Бұған дейін хабарлағанымыздай, сайлау учаскелері 7:00-ден 20:00-ге дейін ашық болады.

Аяужан Жетес.