Балалар қауіпті сәтте әрекет ету іс-қимылдарымен танысты, деп хабарлайды  @Pavlodarnews.kz тілшісі.

Төтенше жағдайлар департаменті «Қызыл Ай» қоғамының еріктілерімен және апаттар медицинасы орталығының қызметкерлерімен бірлесіп, Тереңкөл ауданы Томарлы ауылында орналасқан балалар лагеріне барды.

Бұл іс-шараның басты мақсаты – балалардың төтенше жағдайларда қалай әрекет ету керектігі туралы хабардарлығын арттыру.  Департамент қызметкерлері дәрістер, тәжірибелік сабақтар және интерактивті ойындар ұйымдастырды.

– Мұндай іс-шаралар балаларға әртүрлі қауіпті жағдайларда қалай әрекет ету керектігін жақсы түсінуге көмектеседі және олардың төтенше жағдайларға дайын болуын қамтамасыз етеді, – дейді ұйымдастырушылар. 

Өрт болған жағдайда балалар қалай әрекет ету керектігін білді, судағы қауіпсіздік ережелері, алғашқы көмек көрсету, табиғи апаттар кезінде әрекет ету іс-қимылдарымен танысты.