Баланың жағдайы тасымалдау кезінде тұрақты болды, ұшу жақсы өтті, деп хабарлайды @Pavlodarnews.kz тілшісі.

Облыстық жедел жәрдем станциясының мәліметінше, 2012 жылы туған ұл бала санитарлық авиациямен облыстық балалар ауруханасына жеткізілген.

 –   2025 жылғы 19 сәуірде сағат 18:10-да 2012 жылы туған ұл бала Ермейментау қалалық аудандық ауруханасынан санитарлық авиация арқылы облыстық балалар ауруханасына жеткізілген.  Жабық бас-ми жарақаты, орта дәрежедегі ми соққысы, шүйде тұсында көлемді теріасты гематомасы тіркелді, – деді станцияда.

Бастапқыда травматология бөлімшесіне жатқызылып, кейін бақылау және қарқынды терапия мақсатында реанимация бөлімшесіне ауыстырылды.

 Қазіргі уақытта баланың жағдайы тұрақты, орташа ауыр деп бағаланады.

 Еске салайық, павлодарлық балалар футбол командасының мүшелері мінген шағын автобус жол апатына ұшыраған болатын. Оқыс оқиға салдарынан  1990 жылы туған жаттықтырушы көз жұмған.