Баянауыл көріністері. Балалар шығармашылық байқауының қорытындысы шығарылды

Оқушылар жұмыстарын Баянауыл өлкесінің табиғатына арнады, деп хабарлайды @Pavlodarnews.kz тілшісі.
Байқаудың ұйымдастыруға Павлодар география Үйі мен Баянауыл мемлекеттік ұлттық паркінің өкілдері мұрындық болды. Қатысушылардың қатарында мектеп оқушылары мен балабақша тәрбиеленушілері болды. Барлығы 19 өтініш түсті. Шығармашылық жұмыс ретінде Баянауыл өлкесінің сұлулығын ашатын эссе және суреттер қабылданды.
– Байқау жас буын өкілдерін Баянауыл табиғатымен таныстыру мен қоршаған ортаны қорғау бағытындағы маңызды қадамға айналды. Сонымен қатар, жеткіншектерге шығармашылық қабілеттерін паш етуге мүмкіндік берді. Біз өз кезегімізде балаларға қорықтың табиғатын көрсетуге үлес қосуға тырыстық, – дейді ұйымдастырушылар.
Марапаттау рәсімі Баянауыл ұлттық паркінде өтті. Осылайша, балалар мен педагогтер ерекше қорғалатын өлкенің ерекше атмосферасын сезінді. Жеңімпаздарға Павлодар географиясы туралы хрестоматия, Орталық Қазақстанның құстарына арналған танымдық материалдар табысталды. Сонымен қатар, инспекторлардың өздері жасаған құс үйшіктері сыйға тартылды.