Бұл – «Ұлы шоу» камералық хоры мен «Париждегі жаңа жыл» музыкалық қиялының жобасы, деп хабарлайды @Pavlodarnews.kz тілшісі.

Ағымдағы жылдың бірінші жұмыс күнінде Иса Байзақов атындағы облыстық филармониясы маусымның ең үздік екі жобасына билеттерді сатудың басталғанын ресми түрде жариялады. Облыстың ең ірі концерттік ұйымының әкімшілігі көрермендердің көптеген өтініштерінен кейін осындай шешім қабылдады.

Аталмыш екі қойылым да жаңа жыл қарсаңында ұйымдастырылды. Сондай-ақ, көрермендердің бұрын-соңды болмаған қызығушылығын тудырды. Павлодарлықтар мен қала қонақтары билеттерді бірден сатып алды, ал залдың шектеулі сыйымдылығын ескере отырып, көптеген ниет білдірушілер концерттерге қатыса алмады.

– Жаңа жылдық Парижге музыкалық саяхат алты айға жуық дайындалды. Бұл қызықты, түрлі-түсті, ерекше жоба, онда барлық жетекші солистер, хореографиялық ұжымдар, сондай-ақ аты аңызға айналған Виктор Шейкиннің жетекшілігімен біздің әйгілі джаз оркестрі жұмыс істейді, – дейді филармонияның бас редакторы Салауат Темірболатұлы. –  Француз эстрадасының көптеген жақсы және сүйікті әндері, билері, пантомималары, арнайы эффектілері, қызықты реквизиттері, костюмдері — бәрі жарқын, әсерлі және ертегі сияқты. Сценарийдің өзі өте жақсы, тұжырымдамасы да әдемі.   

Билеттер әзірге тек Назарбаев даңғылы, 1 мекенжайындағы филармония кассасында қолжетімді. Касса күн сайын сағат 12:00-ден бастап жұмыс істейді. Билеттерді сатып алуға және залдағы ең ыңғайлы орындарды таңдауға асығыңыз.

Бұл концерттің қайта көрсетілімі 24 қаңтар, жұма күні сағат 19.00-де өтеді. Ал бір аптадан кейін 31 қаңтар күні павлодарлықтар тағы да ең танымал мюзиклдердің үздік композицияларының әлеміне ене алады. Аталмыш жоба өткен маусымның соңынан бастап дайындалып, маңызды мәдени оқиғалардың біріне айналды.