Орман өрттерінің алдын алуда дұрыс жабдықталған минералданған жолақтың маңызы зор, деп хабарлайды @Pavlodarnews.kz тілшісі.

«Ертіс орманы» мемлекеттік орман табиғи резерватының мәліметінше, резерват аумағында жаңадан 500 шақырымнан астам минералданған жолақтар салынды және 10000 шақырымнан астамы жаңартылды.

– Орман өрттерінің алдын алуда дұрыс жабдықталған минералданған жолақ маңызды рөл атқарады. Минералданған жолақ – бұл жасанды түрде жасалған өртке қарсы тосқауыл. Ол орман алқабымен шектесетін аумақтың учаскесін жанғыш материалдардан тазарту арқылы жасалады, – деп түсіндірді резерватта.

Жер жыртуларды жасау кезінде жолақтың қажетті еніне (кемінде 4 метр) ерекше назар аударылады.