Өрттің шығу себебі мен келтірілген шығын көлемі анықталуда, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, құрбандар мен зардап шеккендер жоқ. Өртті сөндіруге ТЖ департаментінің жеке құрамынан отыз екі адам мен тоғыз техника, жергілікті атқарушы органдар мен ерікті өрт сөндіру құрылымдарынан жүз сегіз адам, Қараоба ауылының өрт сөндіру бекеті, Ақжол ауылының өрт сөндіру бекетінен – екі техника, жеке құрамның төрт адамы, «Ақтоғай-СУ» ЖШС-дан – екі су тасығыш, «Ақтоғай АГРО» ЖШС-дан екі су тасығыш жұмылдырылды.

– Жану аумағы 2200 шаршы метрді құрады. Ангардың жалпы алаңы – шамамен 5000 шаршы метр. Қоймада шамамен 7000 тонна картоп сақталды,  көкөніс өрт кезінде бүлінбеді, – дейді департаментте. 

Тілсіз жау сағат 21.55-те оқшауланып, сағат 23.37-де жойылды.

Еске сала кетейік, сағат 19-08-де Ақтоғай ауылында «Ақтоғай АГРО» ЖШС-де ангардан түтін шығып жатқаны туралы  хабарлама түсті. Өрт сөндірушілер ангардың бір қабатты металл қабырғалары жанып жатқанын анықтаған.