Павлодарлық волейболшылар маусымды аяқтады, деп хабарлайды @Pavlodarnews.kz тілшісі.

Плей-офф кезеңінің соңғы ойынында павлодарлықтар алматылық «Буревестникке» есе жіберіп, Ұлттық лига чемпионатын алтыншы орынмен аяқтады. Алайда, Сергей Грибовтың шәкірттері волейбол ойнауды ұмытпағанын көрсетті.

Бұған дейінгі кездесу алматылықтардың сөзсіз жеңісімен аяқталды. Бесінші орын үшін екінші кездесудің басы да «Буревестник» пайдасына шешілді. Екінші сетте алматылықтар павлодарлықтардың 25:8 есебімен тас-талқанын шығарды. Бірақ бұдан кейінгі оқиға Оралдағы «Жайық Аренадағы» санаулы көрерменнің есінде ұзақ сақталатын болса керек.

Үшінші сетте ашулы павлодарлықтар 37:35 (!!!) есебімен жеңісті жұлып алды: Виктор Сысоевтың берген добы торға тиіп, алматылықтардың алаңына түсті. Содан кейін төртінші сетте павлодарлықтар партиялардағы есепті теңестірді. Ойын тай-брейкке ұласты. Бірақ осы маусымда бірнеше рет қайталанғандай қысқартылған сет 15:11 есебімен қарсылас пайдасына шешілді.

Айта кетейік, плей-офф ойындарының қожайындары Оралдың «Жайық» пен «Ақтөбе» чемпиондық үшін күресті жалғастыруда, сериядағы есеп 1:1. Шешуші үшінші кездесу 3 сәуірде өтеді.