Азаматтарға нашақорлық пен уытқұмарлықтың алдын алу мәселелері бойынша кеңес беріледі, деп хабарлайды @Pavlodarnews.kz.

18 қарашада сағат 10:00-де облыстық полиция департаменті орналасқан мекенжайда жылжымалы пункт жұмысын бастайды. 

Оның негізгі міндеті – халықты, жалпы білім беру мекемелерінің оқушыларын және колледждер мен жоғары оқу орындарының студенттерін есірткі және психотроптық заттардың заңсыз айналымына қатысудың салдары туралы хабардар ету. Сондай-ақ, есірткіге тәуелді азаматтарды емдеу және оңалту бойынша ақпарат беріледі.

Пунктте республикалық және облыстық психикалық денсаулық орталықтарының, сондай-ақ АИТВ-инфекциясының алдын алу және оған қарсы күрес жөніндегі облыстық орталығының психолог-мамандары, волонтерлік және үкіметтік емес ұйымдардың белсенділері консультациялық көмек көрсетеді.

Ұйымдастырушылар арасында облыстық мәслихатының, «AMANAT» партиясының облыстық филиалының  және ведомствалар бар. Айта кетейік, бұл жоба Қазақстанда алғаш рет іске асырылуда.