Жедел жәрдем дәрігерлері оны құтқара алмады, деп хабарлайды @Pavlodarnews.kz тілшісі.

Облыс орталығында трамвай депосына апаратын көпірдің артында қырық жастағы белгісіз ер адамды пойыз қағып кетті.

Қоңырау сағат 20:00-де түсіп, жедел жәрдем оқиға орнына 7 минутта жеткен. Бірақ жәбірленуші өте ауыр дене жарақатын алғандықтан, құтқару мүмкін болмады.

Көліктегі полиция департаментінің баспасөз қызметі қазір бұл іске қатысты қажетті тергеу амалдары жүргізіліп жатқанын хабарлады.

– Павлодар стансасындағы желілік полиция бөлімі абайсызда адам өліміне әкеп соққан жол қозғалысы немесе теміржол көлігін пайдалану қауіпсіздігі ережелерін бұзу фактісі бойынша қылмыстық іс қозғады, – деп түсіндірді ведомствода.

Қазақстан Республикасы Қылмыстық-процестік кодексінің 201-бабына сәйкес, басқарма егжей-тегжейлі ақпаратты жарияламайды.