Аты аңызға айналған маэстро Виктор Шейкин мен оның оркестрі қала филармониясында жаңа бағдарламасын ұсынады, деп хабарлайды @Pavlodarnews.kz тілшісі.

Іс-шара 30 сәуір күні сағат 19:00-де Иса Байзақов атындағы облыстық филармонияның концерттік залында ұйымдастырылады. Бұл кеште көрермендер өнері өңірдің маңызды бөлігіне айналған музыкант Виктор Шейкин басқарған теңдессіз джаз оркестрімен кездеседі.

Маэстро Шейкин көрермендерге куба-испан әуендерінен лирикалық композициясы – Артуро Сандовалдың «Mis Abuelos» шығармасын, Гордон Гудвиннің шығармаларын, «Фортепиано жауһары» атты Гершвин, Прокофьев және Рахманиновтың шедеврлерін джаздық интерпретацияда, сондай-ақ алғаш рет орындалатын жаңа аранжировкалар мен сәнді ырғақта ерекше бір жиынтықты ұсынады.

– Бұл концерт – көрермендерге арналған біздің сыйлығымыз. Джаз адамдарды біріктіреді, шабыттандырады және еркіндік береді. Тірі орындауды және батыл музыкалық шешімдерді бағалайтын барлық адамды күтеміз! – деп атап өтті Виктор Шейкин.

Билеттерді алдын ала сатып алуға кеңес беріледі.

Айта кету керек, залға тамақ пен сусындармен кіруге тыйым салынған. Кешігушілер тек концерт басталғаннан кейінгі алғашқы 10 минут ішінде орындарын ала алады.