Өрт сөндірушілерге екпінді жел кедергі келтіруде, деп хабарлайды @Pavlodarnews.kz тілшісі.

 «Строитель» бағбаншылық қоғамдастығында құрғақ шөп пен саяжайлар жанды. Бұл туралы хабарлама 112 басқару пультіне түсті. Оқиға орнына төтенше жағдайлар департаментінің бөлімшелері жедел жетті. Өртті сөндіруге «Павлодар-Водоканал» мемлекеттік емес өрт сөндіру қызметінің өкілдері, 102, 103 қызметтері, апаттар медицинасы орталығы жұмыс істеді.

 Өрттің көлемі әлі анықталған жоқ.

 Дрондар арқылы жоғарыдан бақылау жүргізілді. Оқиға орнында жедел штаб жұмыс істеуде.