Университетте жиырма жылдан бері Торайғыров оқуларын өткізіп келеді, деп хабарлайды @Pavlodarnews.kz. тілшісі.

Торайғыров университетінде «XVI Торайғыров оқулары» халықаралық ғылыми-практикалық конференция өтті.

Диалог алаңына қатысушыларды ToU ректорының міндетін атқарушы Нұрлан Ержанов қарсы алды. Ол университет 20 жыл бойы Торайғыров оқуларын өткізіп келе жатқанын айтты.

–      Сұлтанмахмұт Торайғыровтың мұрасы - халқымыздың баға жетпес байлығы. Оның шығармалары, ағартушылық пен прогресс туралы идеялары бізді бүгінгі күні де шабыттандырады. Торайғыров оқулары - бұл жай ғана ғылыми іс- шара емес, ұлы ақын мен ойшылға құрмет, біздің алға жылжуымызға көмектесетін білім мен идеялармен алмасуға арналған алаң, – деп атап өтті Нұрлан Ержанов.

Конференцияның пленарлық отырысында Қазақстан, Ресей, Австрияның белгілі ғалымдары мен жас ғылымға жаңадан аяқ басқан зерттеушілері және оқушылардың баяндамалары ұсынылды.

Секциялық отырыста жаратылыстану ғылымдары, гуманитарлық және әлеуметтік ғылымдар, экономика және құқық, инженерия, ауыл шаруашылығы ғылымдары, энергетика, физика-математикалық және компьютерлік ғылымдар секілді ғылымның түрлі салаларының өзекті мәселелері қаралды.

Секциялық отырыстардың қорытындысы бойынша жеңімпаздар дипломдармен марапатталды.