Жұмыс ағымдағы жылдың сәуір немесе мамыр айларында аяқталады, деп хабарлайды @Pavlodarnews.kz тілшісі.

Жобаны жүзеге асыру 2024 жылы басталды. Қалалық әкімшілік «Grappa-STROY» мердігерімен екі жылдық келісімшартқа отырды. Бұл туралы Павлодар қаласы әкімінің орынбасары Әнуарбек Аманов мәлім етті.

Осы уақыт ішінде мердігер тротуар тастарды гранитті плиталарға алмастырып, баспалдақ алаңындағы гранитті, бордюрлерді ауыстырып, сыртқы жарықтандыру кабельдерін тартып, балкондарды күшейтті. Сондай-ақ, металл қоршауларды орнатып, шағын архитектуралық пішіндерді орнатып, бетон баспалдақтарды жөндеп үлгерді. 

– Биыл жаңа орындықтар, қоқыс жәшіктері, жаттығу құралдары, қоршаулар орнату және субұрқақты, баспалдақты жөндеуді жоспарлап отырмыз, – деді әкімнің орынбасары.

Жұмысты 2025 жылдың сәуір-мамыр айларында аяқтау жоспарлануда. Қазіргі уақытта мердігер жөндеу жұмыстары кезінде пайда болған кемшіліктерді жоюда.