Биыл қоғамдық көлікте жол ақысын төлемей жүргендер екі АЕК көлемінде, яғни 7863 теңге айыппұл төлейді, деп хабарлайды @Pavlodarnews.kz.

Қалалық №1 автобус паркі бақылаушылар 2025 жылдан автобустарға кіруді тоқтатады деген ақпаратты жоққа шығарды. Кәсіпорын қала тұрғындары мен қонақтары алдында жауапты екенін еске салды. 

– Біздің компанияда 2025 жылғы 16 қаңтардағы жағдай бойынша бақылау-тексеру басқармасының өз штаты болмағандықтан, осы уақытқа дейін біз үшінші тұлғалардың қызметтерін пайдаландық, – деді автопаркте. – 1 наурыздан бастап бұл жұмысты өз күшімізбен жүзеге асыратын боламыз. Автобустарда қала тұрғындарының жол ақысын тексеру бұрынғы режимде жалғасады. 

Автопарк 20 автобус бағытына қызмет көрсетеді, оның екі бағыты жаз мезгілінде шығады.