Кілттерді табыстау рәсіміне облыс әкімі келді, деп хабарлайды @Pavlodarnews.kz.

Кезекте тұрған он алты адам көптен күткен кілттерге ие болды. Пәтерлерді табыстау бойынша ұйымдастырушылар «Отбасы банктің» жалға берілетін тұрғын үйін бөлуді инновациялық автоматтандырылған жүйе арқылы жүргізгенін атап өтті.

Павлодар облысының әкімі Асайын Байханов жаңа пәтерлердің кілттерін табыстау рәсімінде ҚР Президентінің әлеуметтік тұрғын үймен қамтамасыз ету туралы айтқан сөзін келтірді. Ал биыл Павлодар өңіріне қойылған міндет орындалуда: мыңнан астам пәтер тапсырылды. 

– Шарбақты ауданында тәуелсіздік алған уақыттан бері алғаш рет бір жылдың ішінде облыстың тұрғын үй бағдарламасын іске асырудың арқасында көп пәтер салынды, – деп атап өтті аймақ басшысы. 

Аязды күнге және боранға қарамастан, қоныстанушылардың қуанышында шек болмады.

– Мен көп балалы анамын. Үшінші топтағы мүгедек күйеуіммен бірге біз төрт кәмелетке толмаған баланы тәрбиелеп жатырмыз. Тұрғын үй алу бойынша кезекте біз 2024 жылдың қараша айынан бастап тұрмыз. Бұған дейін он жыл бойы біздің жеке баспанамыз болған жоқ. Бұл біздің отбасымыз үшін өте қиын кезең болды, – деп мойындады балабақшадағы музыка жетекшісі Айтжамал Төлепбергенова. – Біз ұзақ күттік, көптеген рәсімдер мен құжаттарды жинадық. Көрсеткен қолдауы үшін мемлекетімізге шын жүректен алғысымды білдіргім келеді. Біз өзіміздің кең үш бөлмелі пәтерімізді алдық. Бұл біздің отбасымыз үшін үлкен қуаныш.

Дарья Поплавец те бүгін алғаш рет жаңа пәтерінің табалдырығын аттады. Олар азаматтық некеде тұрған жұбайымен бірге алты бала тәрбиелеп отыр. Үлкен қызы 12 жаста, кіші баласы бір жаста. 

Оның айтуынша, ол өткен жылдың тамыз айынан бастап тұрғын үйге кезекке тұрған. Бұған дейін отбасы көптеген жылдар бойы пәтер жалдаған. Ол өзі жұмыс істемейді, өзін толығымен бала тәрбиесіне арнайды.

Жаңа үйлер – бұл тұрғындардың өмір сүру сапасын жақсартуға жасалған қадам және азаматтарды қолжетімді және қауіпсіз баспанамен қамтамасыз ету бойынша өңір басшылығының жүйелі жұмысының көрсеткіші.

Еске сала кетейік, биыл Шарбақты ауданында 110 пәтерлік үш үй салынды. Бұл Шарбақты ауданы тұрғындарының кезектілігін 2 есеге қысқартуға мүмкіндік берді.