Павлодар ауылында жеке тұрған үй түнде өртенді
Өрт бір жарым сағат ішінде сөндірілді, деп хабарлайды @Pavlodarnews.kz.
Облыстық ТЖД баспасөз қызметінің мәліметінше, түнгі сағат 22:24-те Павлодар ауылы Қонаев көшесінде орналасқан жеке тұрғын үйде өрт шыққандығы туралы хабарлама келіп түсті.
– Қабылданған шаралармен жалпы ауданы 120 шаршы метрді құраған өрт сағат 00:03-те толықтай сөндірілді. Өрт сөндірушілер оттан бір газ баллонды алып шықты.
Өртке ТЖД 6 техникасы мен жеке құрамның 15 адамы жұмылдырылды. Зардап шеккендер жоқ, өрттің себебі анықталуда.
