Полицейлер оларды салтанатты шерумен қарсы алып, саптық түзеуді көрсетті, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, Павлодар қаласының патрульдік полиция батальонында жұмыс істеп жүрген қызметкерлер үшін ерекше сабақтар өтті. Қызметтің даналығы мен құпиясымен ІІО ардагерлері Азат Сейілханов, Владимир Бычков, Станислав Паутов және Гүлнази Нұрмағамбетова бөлісті. 

Ардагерлерге жаңа форма, барлық қажетті құралдармен жабдықталған автокөліктер, бағдарламалар мен қосымшалары бар планшеттер, жаңа үлгідегі бейнежетондар, «Қорғау»  және «Кибер шериф» пилоттық жобалары сияқты полицияның жаңашылдықтар көрсетілді. Олар полицейлерді даярлау деңгейіне қарап, облыстағы жедел жағдай туралы ақпаратпен танысты.

Ардагер Владимир Бычков жеке құрамға жүгініп, құқық тәртібі мен азаматтардың қауіпсіздігін қамтамасыз ету полицияның бірінші кезектегі міндеті екенін атап өтті. 

– Сіздердің білімдеріңіз, даналығыңыз және өмірдегі тәжірибеңіз жастарды патриоттық тұрғыдан тәрбиелеуге итермелейді. Полиция ұжымдарында атқарған жұмысыңыз, қолдау көрсеткеніңіз, оптимизм мен қажымас еңбегіңіз үшін алғыс айтамыз. Сіздерге зор денсаулық, отбасылық амандық, ұзақ ғұмыр, бейбітшілік пен жақсылық тілеймін, – деді Павлодар облысы ПД бастығының бірінші орынбасары Жасқайрат Қайыров.

Патрульдік полиция батальонының жас қызметкерлері де оларға зор алғыстарын білдіріп, қылмысқа қарсы іс-қимылға қосқан баға жетпес үлесін атап өтті.

Жас полицейлер ардагерлерге саптық түзеуді көрсетті. Ал кейіннен қоғамдық тәртіпті қорғауға қайтадан кірісті.