Апта соңына қарай жаңбырлы болады, деп хабарлайды @Pavlodarnews.kz.

«Қазгидромет» РМК-ның мәліметінше, 6 мамырда жауын-шашын күтілмейді. Сынап бағанасы түнде +2...+7°С көрсетеді, аймақтың батысында, солтүстігінде  - 1градусқа дейін үсік жүреді. Күндіз ауа температурасы +20...+25°С-қа дейін жылынады. 

Отан қорғаушылар күні жауын-шашынсыз болады. Ауа температурасы түнде +5...+10°С, облыстың шығысында +2°С, күндіз +23...+28°С-қа дейін көтеріледі. 

8 мамырда күн ашық болады. Сынап бағанасы түнде +10...+15°С,  ал күндіз +27...+32°С көрсетеді. 

9 мамырда облыстың шығысында жаңбыр жауады. Ауа температурасы түнде +13...+18°С, ал күндіз +23...+28°С-қа дейін көтеріледі. 

Сенбіде де жаңбыр жауады. Сынап бағанасы түнде +13...+18°С, ал күндіз +20...+25°С-ты көрсетеді. 

Жексенбіде облыстың солтүстігінде, шығысында жаңбыр жауып, найзағай күркірейді. Ауа температурасы түнде +10...+15°С, ал күндіз +17...+22°С болады.