Ол кінәсін мойындамай, пандемия кезіндегі шектеулерге байланысты хабарламаны пошта арқылы жолдағанын айтты, деп хабарлайды @Pavlodarnews.kz тілшісі.

Қалалық әкімшілік құқық бұзушылықтар жөніндегі мамандандырылған ауданаралық соты шетел азаматтығын алу фактісін белгіленген мерзімде хабарламаған азамат Ф.-ға қатысты істі қарады.

Іс материалдарына сәйкес, бұрын Қазақстан Республикасының азаматы болған азамат Ф. Ресей Федерациясының азаматтығын алғаннан кейін, заңмен белгіленген 30 күнтізбелік күн ішінде бұл туралы Қазақстанның құзыретті органдарына хабарламаған.

Көші-қон қызметінің өкілі хабарлама Қазақстан Республикасының Омбы қаласындағы елшілігіне белгіленген мерзімнен кеш түскенін атап өтті.

Сот отырысында азамат Ф. кінәсін мойындамады. Ол коронавирустық пандемия кезіндегі қозғалыс шектеулеріне байланысты Ресей Федерациясының азаматтығын алғаны туралы хабарламаны пошта арқылы жолдағанын түсіндірді. Дәлел ретінде ол 2020 жылғы 28 сәуірде елшілікке өтініш пен құжаттар жіберілгенін растайтын пошта түбіртегін ұсынды.

Тараптардың түсініктемелері мен прокурордың қорытындысын тыңдай отырып, сот азамат Ф.-ның әрекеттерінде ҚР ӘҚБтК-нің 496-бабының 2-бөлігінде көзделген әкімшілік құқық бұзушылық құрамының бар екенін анықтады.

Сот қаулысымен азамат Ф. кінәлі деп танылып, оған 275 240 теңге көлемінде әкімшілік айыппұл салынды.

Қаулы заңды күшіне енді.