Басқа да бұзушылықтар жойылды, деп хабарлайды @Pavlodarnews.kz.

ҚР Бәсекелестікті қорғау және дамыту агенттігінің Павлодар облысы бойынша департаментіне «Қазхром «ТҰК» акционерлік қоғамының «Горкомхоз-Ақсу» ЖШС қатты тұрмыстық қалдықтарды жинау және әкету қызметтеріне бағаны негізсіз көтеру мәселесі бойынша өтініші келіп түсті.

Департамент жүргізген тергеп-тексеру нәтижелері бойынша кәсіпорын «Қазхром «ТҰК» АҚ филиалы – Ақсу ферроқорытпа зауыты үшін қатты тұрмыстық қалдықтарды жинау және әкету жөніндегі қызметтерге монополиялық жоғары бағаларды белгілегені және қолдағаны анықталды.

Нәтижесінде «Горкомхоз-Ақсу» ЖШС ҚР ӘҚБтК-нің 159-бабының 3-бөлігіне сәйкес әкімшілік жауапкершілікке тартылды. Кәсіпорынға монополиялық қызметті жүзеге асыру нәтижесінде алынған 1 600 112 теңге сомасында монополиялық кіріс тәркіленіп, 224 517 теңге мөлшерінде айыппұл тағайындалды. Айыппұл ерікті түрде төленді.

Бұдан басқа, департамент бәсекелестікті қорғау саласындағы анықталған заң бұзушылықтарды жою туралы ұйғарым шығарды, ол белгіленген мерзімде орындалды.