«Павлодар-Водоканал» ЖШС 2025 жылға осындай жоспар жасап отыр, деп хабарлайды @Pavlodarnews.kz тілшісі.

Табиғи монополияларды реттеу комитетінің департамент басшысы Нұрлан Нұрмұратов мәлім еткендей, Павлодарда 1 наурыздан бастап «Павлодар-Водоканал» ЖШС бес миллиард теңгеге жуық шығынын өтей алуы үшін су тарифі екі есеге жуық көтеріледі. Оның себептердің бірі «Тариф инвестицияға айырбастау» инвестициялық бағдарламасы болып табылады.

Бүгінгі таңда облыс орталығындағы су құбыры желілерінің жалпы ұзындығы 457 шақырымды құрап, 68 пайыз тозған, ал ағынды су бұру желілері 345 шақырымды құрап, 84 пайыз тозған. Олардың жөндеу жұмыстарына үш миллиард теңгеге жуық қаржы бөлініп отыр.

– Сумен жабдықтау және су бұру нысандарының қызмет ету мерзімі 20-40 жыл. Бүгінгі күні тозу көрсеткіші жоғары. Құбырлар электрохимиялық коррозияға ұшырайды. Қыста топырақтың деформациясы және жер асты суларының деңгейінің көтерілуіне байланысты су желілері мен құрылыстардың қызмет ету мерзімі қысқарады. Сондықтан сумен жабдықтау және су бұру желілерін қайта жаңғырту мәселесі бірінші орында тұр, – деп атап өтті ұйымда.

Назарбаев даңғылының Баймулдин көшесінен Ломовқа дейінгі бөлігінде апаттың жоғары болуына, судың жоғалуына және тұтынушылардың көптеген шағымдарына байланысты құбырды толығымен ауыстыруды қажет етеді, өйткені ол қаланың орталық және оңтүстік бөлігін сумен қамтамасыз етуде. Ол соңғы үш жылда 15 апатқа ұшыраған.

Баян батыр көшесінің бойындағы Торайғыров 1-ден Олжабай батыр көшесіне, Назарбаев даңғылынан Бұқар жырау көшесіне дейінгі құбырлар 1978 жылдан бері жұмыс істеуде. Олар 46 жылдан бері күрделі жөндеу көрмегендіктен, толығымен ауыстыруды қажет етпек.

– Техникалық сумен қамтамасыз ету қызметіне келер болсақ, Шығыс индустриалды аймақтың өнеркәсіптік кәсіпорындарының қажеттіліктері үшін техникалық су құбырының қосымша желісін салу қажет деген қорытындыға келдік. Қазір жұмыс істеп тұрған құбыр «Алюминий зауыты» АҚ, ЖЭС-1, Электролиз зауытын, сондай-ақ «Энтузиаст» және «Металлург» бағбандық бірлестіктерін сумен қамтамасыз етеді. Осы аймақта жаңа өнеркәсіптік кәсіпорындар салынады, сондықтан бұл құбыр 1961 жылы тартылғандықтан ұлғайған көлемде дұрыс жұмыс істей алмайды, – деп қосты «Павлодар-Водоканал» ЖШС.

Ал кәріз құбырларының тозуы 85 пайызды құрап отыр.

– Инвестициялық бағдарламаға Ломов көшесі, 58-үйден Мәшһүр Жүсіп көшесіне дейінгі жаңа коллектордың салу бойынша іс-шараны қосуды ұсынамыз. Бұл кәріз желісінің жағдайы нашар: резервтік жөндеу жұмыстары жүргізілмеген; зақымданулар, шөгулер бар; темір-бетонды құрылыстары бұзылған.

2025 жылға арналған қосымша инвестициялық бағдарлама апаттарды жоюға жұмсалатын шығындарды азайтып, су құбырларының қызмет ету мерзімін 50 жылға дейін ұлғайтуға мүмкіндік береді. Жоспарға сумен жабдықтау жүйелерінің тозуын бір пайызға, апатты жағдайларды 15 пайызға азайту қарастырылған.