Ол үшін жасыл желектер цифрландырылды, деп хабарлайды @Pavlodarnews.kz тілшісі.

2023 жылы екі жүз мыңнан астам жасыл көшет түгендеуден өтті. Тұрғын үйлердегі қала аумақтарында толық фитопатологиялық сараптама жүргізіп, әрбір ағаш пен бұтаның сапасы, түрі және жасы тексерілді. 

Қалада өсетін ағаштар мен бұталардың 27 түрінің ішінде ең көп таралғаны – үйеңкі, терек, қарағаш. Қайың мен қарағай екі есе аз. Шырша ағаштары жалпы жасыл алқаптың бес пайызын ғана алып жатыр.

Облыс орталығында 10-40 жас аралығындағы 156 мың ағаш бар. Бұл санның жартысы қазірдің өзінде қырық жасқа таяп қалды, яғни олар жақын арада ауырып, құрғай бастайды. Қалғандары – жас көшеттер, әкімдіктегілердің айтуынша, олардың саны абаттандыру жүйесінің тұрақтылығы үшін жеткілікті. Ал ең аз – негізінен аулаларда өсетін жасы қырық жастан асқан кәрі ағаштар болып саналады, барлығы он мың дана.

Қала ағаштарын санағаннан кейін әкімшілікте Павлодардың жасыл желекті жүйесінің электронды картасын жасау туралы шешім қабылдады. Тұжырымдама қаланы жасылдандыру жүйесін сақтау мен дамытуды көздейді. Осы цифрлық құрал саябақтар, скверлер мен жасыл аймақтарды түгендеу қорытындысы бойынша құрылған. 

Үйлердің терезе астындағы ағаштар туралы барлық деректерді ArcGIS бағдарламасында жасыл көшеттердің саны мен сапасын; кез келген аумақтағы өсімдіктердің түрлері, жасы, тіршілік жағдайы туралы мәліметтерін; отырғызудан өлгенге немесе жойылғанға дейін ақпаратты Павлодар қаласының электронды картасынан көруге болады. 

Инвентаризациядан басқа, жергілікті билік дендрологиялық жоспарды да жасады, оған сәйкес эстетикалық түрін жоғалтқан ағаштар емделеді. Осы жұмыстарға санитарлық кесу, жер топырағын ауыстыру және жерді тыңайту жатады. Шіріген ағаштар мен бұталар жай ғана жойылып, орнына жаңалары отырғызылады.

– Көгалдандыру кезінде тек аллея ағаштары, яғни ірі жапырақты жөке ағаштары ғана пайдаланамыз, олар тез арада жайылып өседі. Астананың орталық көшесінің бойында – Торайғыров көшесінен Едіге би көшесіне дейін және Естай көшесінен Исиналиев көшесіне дейін үш кезең бойынша жұмыстар жүргізілді, яғни ескі ағаштарды жойып, жер топырақты ауыстырып, жөке ағаштары отырғыздық, – деді қала әкімінің орынбасары Әнуарбек Аманов. 

Жоспар бойынша алдағы 5-10 жылда қала көшелерінің жекелеген аумақтарында ағаштар ауыстырылмақ. Келесі жылы Лермонтов көшесінен Қайырбаев көшесіне дейін, Академик Марғұлан көшесінен Генерал Дүйсенов көшесіне дейін, Абай көшесінен Нұркин көшесіне және Катаев көшесінен Қамзин көшесіне дейін учаскелері көгалдандырады.  

Ескі теректерді жөкелерге ауыстырудың құны әлі белгісіз. Ол үшін техникалық ерекшеліктерді ескере отырып, шығындарды есептеу керек.