1,5 мыңнан астам азамат жауапқа тартылды, деп хабарлайды @Pavlodarnews.kz.

Облыс аумағында тиісті қоғамдық тәртіпті сақтауға, көшелерде және басқа да қоғамдық орындарда қылмыстардың алдын алуға және жолын кесуге бағытталған «Құқықтық тәртіп» республикалық жедел – профилактикалық іс-шарасының қорытындысы шығарылды. 

Шара нәтижелері бойынша павлодарлық полицейлер мас күйінде көлік құралдарын басқарған 29 жүргізушіні ұстады, 13 адам қарсы қозғалыс жолағына шықты, 65 азамат ұсақ бұзақылық жасады, 226-сы қоғамдық орындарда алкогольдік ішімдіктер ішті, 303 жаяу жүргінші белгісіз жерде жолдан өтті. Барлық құқық бұзушылар әкімшілік жауапкершілікке тартылды.

– Мысалы, Павлодарда Академик Сәтбаев көшесінде Lexus ES - 350 автомашинасы тоқтатылды, оның жүргізушісі басқару құқығынан айырылып автокөлікті басқарды. Көлік құралы арнайы тұраққа қамалды. Басқа жағдайда Малайсары батыр-Львовская көшесінде жүргізушісі қарсы қозғалыс жолағына шыққан Audi-80 маркалы автомашина тоқтатылды. Жүргізушілер жауапкершілікке тартылды. Жүргізушілердің мінез-құлқы сотта қаралатын болады, – деді облыстық полиция департаменті баспасөз қызметінде. 

«Заң мен тәртіп» қағидаты ішкі істер органдарының азаматтардың қауіпсіздігін қамтамасыз етуге және қоғамдық тәртіпті сақтауға бағытталған қызметінің негізі болып қала береді.