Өңірлік ардагерлер ұйымының жетекшісі айтқандай, Нұрсұлтан Назарбаевтың сындарлы саясатының арқасында Қазақстан өсіп-өнді.

- Кеңес Одағы құлағанда Елбасы ел экономикасын тіктеп, мемлекет іргесін қалады, - дейді Рымтай Шөкеев. – Соның арқасында еліміз қазіргі кезде әлемнің алдынғы қатарлы мемлекеттерімен терезесі тең. Жаңа Астана салдық, жастарымыз шетелде оқуға мүмкіндік алды.

Облыстық ардагерлер кеңесінің төрағасының сөзінше, Елбасымыздың саясаттан алыстамағаны халыққа сенім ұялатады.

- Елбасы саясаттан ажыраған жоқ, ол Қауіпсіздік кеңесінің, «Nur Otan» партиясының төрағасы, - дейді Рымтай Шөкеев. – Сондықтан, Нұрсұлтан Назарбаев халықпен бірге. Заң бойынша Президент өкілеттілігі сайлауға дейін Сенат төрағасы Қасым-Жомарт Тоқаевқа ауысты. Қазақстандықтар Қасым-Жомарт Кемелұлын жақсы таниды, ол елдің дамуына үлес қосады деген сенім мол. Қазақстанымыз әрі қарай гүлденіп, көркейе берсін дейміз.

Айбек Жұматов

Фото: автор

pavlodarnews.kz

Тэги: Елбасы үндеуі, Нұрсұлтан Назарбаев, Рымтай Шөкеев