Павлодар тұрғыны сергектік сыйлайтын наурыз көженің рецептімен бөлісті

Павлодар облысында қанша ақбөкен бар?

Екібастұзда балаларды оңалту орталығы жұмысын қайта бастайды

Павлодарда 11 жасар баланы көлік қағып кетті

Павлодарлықтарға көз жұмған адамның зейнетақы жинағын мұрагерлері қалай алуға болатыны айтылды

Қыркүйектің басында Аққулыда қарбыз фестивалі өтеді

Павлодарда салынып жатқан ғимараттың төбесі жанып кетті

Қаңтар оқиғасы: Павлодарда жаппай тәртіпсіздік ұйымдастырғандарға қатысты сот үкімі шықты

Сәбиді емдемейді: Павлодар облыстық ДСБ-да шағымға қатысты жауап берді

21.03.2021

Павлодар тұрғыны сергектік сыйлайтын наурыз көженің рецептімен бөлісті

Бибігүл Кильдибекованың отбасында жыл сайын наурыз көже дайындау дәстүрге айналған, деп хабарлайды Рavlodarnews.kz тілшісі.

- Наурыз көженің құрамында жеті тағам болуы қажет. Наурыз мейрамын көптеген халықтар тойлайтыны белгілі. Бұл дәстүр ғасырлар қойнауынан бастау алады. Мысалы, гректер оны «Патрих», Бирма тұрғындары «Су мейрамы», тәжіктер «Гүл гардон», хорезмдіктер «Наусатж», татарлар «Нардуган», буряттар «Цаган сар», ұйғырлар «Гүл наурыз», ал қазақтар «Наурыз» деп атаған. Аңыз бойынша, бұл күні ұйықтаған адамның қаны нашарлайды. Сондықтан адамдар сергектік беретін наурыз көже ішеді, - дейді қала тұрғыны.

WhatsApp Image 2021-03-21 at 16.12.41.jpeg

Бибігүл Кильдибекова кез келген рецептті жақсартуға болатынын айтады.

- Мен осы рецептті өзім үшін таңдадым. Ол десертті сусынға ұқсас, бірақ өзінің пайдалы қасиеттері мен оған кіретін ингредиенттердің табиғи қасиеттерін жоғалтпайды. Сусынның құрамындағы барлық өнімдер табиғи. Мен жылқы етінің ең жақсы бөлігін сақтап, одан сүр жасаймын, - дейді Бибігүл Кильдибекова. – Көженің негізі - сорпа. Кептірілген жемістерді қосамын. Бұл - өрік, екі сортты мейіз, сорпада піскен арпа. Сусын аздап быжуы үшін мен әжемнің рецепті бойынша ашытқы қосамын. Сүт өнімдерінен айран қосамын. Содан кейін барлық ингредиенттерді араластырып, піскен, туралған етті саламын.

WhatsApp Image 2021-03-21 at 16.12.39.jpeg

Сондай-ақ қала тұрғыны наурыз көже туралы халық арасында тараған аңыздарға тоқталып өтті. Ертеде ашулы адамдар халық арасына іріткі салып, бүлік болған. Еркектер өз араларында келіспеушілікке тап болып, кішілері үлкендерді тыңдамаған. Шаруашылық бұзыла бастайды. Осы уақытта әр жерден ақсақалдар жиналып, өзара кеңескен. Жиын Наурыз мейрамына тұспа-тұс келеді. Олар ең үлкен қазанға, жиналған қауымды тамақтандыратын ас дайындатқан. Тамақтанып болған соң, ақсақалдар арасында ең беделдісі тұрып, былай деген екен: «Ит екеш иттің өзі, күшік кездерінде бір анадан сүт ішіп, бір-біріне туған бауыр екендерін сезінгендіктен, өзара тістесіп, таласу дегенді білмейді. Осы мейрамда біз де бір ананың сүтін ішкендей, бір қазаннан астың дәмін таттық. Бүгіннен бастап ғасырдан-ғасырға туған бауырлар секілді бір-бірімізді құрметтеп, сыйлап өтейік!».

Осыдан соң адамдар бұрынғы өкпе-реніштерінің барлығын ұмытып, қайтадан бірлікте және татулықта өмір сүрген екен.

- Наурыз көже ұзақ қыстан кейін ағзаны қалпына келтіру үшін де қолданылған. Сондықтан құрамында гемоглобиннің көп мөлшері бар жарма қосылады. Қанықтық пен молшылықтың белгісі ретінде қазақтар жамбас салады. Біз өз бетімізше көжені қалай жасасақ та, ол жеті ингредиенттен тұруы қажет. Менің көжемнің құрамына су, тұз, ет, мейіз, сүт, кептірілген өрік және арпа сияқты өнімдер кірді. Қазақтардың дүниетанымында «жеті» саны қасиетті болып табылады. Осы қағидаттарға сүйене отырып, мен өзім үшін осындай сусын дайындаймын, - дейді білікті ұстаз.

Оңғар Бауыржанұлы
Фото: автор

Количество показов: 559

Возврат к списку

Pavlodarnews.kz АА материалдарын қолдану ережелері