Облыстық полиция департаменті баспасөз қызметінің мәлімдеуінше, байланыссыз алаяқтық - алаяқтықтың ең көп таралған түрі. Өйткені желіде көптеген адамдар тіркелген және ұзақ қашықтықта қылмыстар жасалуы мүмкін.

Департаментте жедел-іздестіру іс-шараларын жүргізу барысында алаяқтық жасады деген күдікпен тергеушілер ұрлық үшін бұрын сотталған, деструктивті діни ағымның жақтаушысы болып табылатын облыс орталығының 32 жастағы тұрғынын ұстағанын атап өтті.

- Павлодарлық іскер қарапайым ақша іздеп, ғаламтор сайттарының біріне 6 келілік пакеттегі кір жуғыш ұнтақты 2000 теңгеден сататыны туралы жарнама орналастырған, - деді департаментте. - 35 жастағы әйел адамды алаяқтың арзан бағасы қызықтырған. Телефон арқылы қоңырау шалып, әйел адам жалпы сомасы 190 мың теңгеге 95 пакетті сатып алуға тапсырыс берді. Ер адам тауардың толық ақысын картасына жіберуді сұрады. Ақшаны алған адам төтенше жағдай режиміне байланысты тауарлардың шекарадан жіберілмейтінін айтып, біраз уақытты ұзартып, кейін телефонын толығымен өшіріп тастаған.

Қазіргі уақытта аталған факті бойынша ҚР Қылмыстық кодексінің 190-бабы бойынша сотқа дейінгі тергеу жүріп жатыр.

Фото: ашық дереккөзден

pavlodarnews.kz

Тэги: