Білім беру мекемесі баспасөз қызметінің мәлімдеуінше, ACT, SAT және IELTS стандартталған тестілеріне ұзақ уақыт дайындықтың нәтижесінде бүгінде ол әлемдегі алты университеттің грантына ие болған.

New York University Shanghai, Georgetown University, Quinnipiac University, University of Miami, Мәскеудегі жоғары экономика мектебі және Назарбаев Университеті оқуға шақырту жолдаған.

- Мені халықаралық және қазақстандық саясат, әлеуметтік жұмыс өте қатты қызықтырды, - дейді Даяна Амандосова. - Өз елімнің игілігі үшін еңбек етіп, АҚШ-та көрген тәжірибемді қолданғым келеді. Менің арманым - Қазақстанның елшісі болу. Әлемдегі ТЖ жағдайына байланысты таңдау жасау қиын, бірақ мен Назарбаев Университетінің менің болашағыма тамаша бастама беретініне сенімдімін.

Сүйінші жаңалықтар биыл ақпан айынан бастап келе бастаған. Қазіргі таңда ол «саясаттану және халықаралық қатынастар» бағдарламасы бойынша білім алуды жоспарлап отыр.

- Шетелдік жоғары оқу орындарына түсуге ниет білдіргендердің барлығына сәттілік пен табыс тілеймін, - дейді мектеп оқушысы. - Университеттер академиялық еңбектерді ғана емес, сонымен қатар қоғамдық және мектептен тыс қызметті  де назарға алады.

Айта кетерлігі, Даяна Амандосова Павлодар қаласы American Councils және FLEX бағдарламаларының өкілі, сонымен қатар мектеп өмірінде де белсенді қатысушы, еріктілер қатарында.

Ақбота Сейсенбаева

Фото: НЗМ

pavlodarnews.kz

Тэги: қоғам