Павлодардағы әскери бөлімде әдеби күн өтті

Павлодар облысында алаяқтар көшедегі азаматтарды тоқтатып, несие ресімдеген

Павлодарда қала күні қалай аталып өтіледі?

Павлодарда Азаматтарға арналған үкімет филиалына жаңа басшы келді

Павлодар облысында биыл 14 млн түп ағаш отырғызады

Павлодарда орталық жағалауға жаңа орындықтар орнатылуда (ВИДЕО)

Павлодар қаласында бірқатар көшенің атауы өзгереді

Маралды көлінің жағасында "МузLike"музыкалық фестивалі өтеді

Павлодар облысының демалыс орындарында демалу қанша тұрады?

23.05.2022

Павлодардағы әскери бөлімде әдеби күн өтті

ҚР Ұлттық Ұланы 5512 Әскери бөлімінде және «Ertis Media» ЖШС-нің мұрындық болуымен ҚР Қарулы Күштерінің 30 жылдығына және «Naızatas» әдеби-көркем журналының 10 жылдығына орай «Әскери бөлімдегі әдеби күн» кездесуі өтті, деп хабарлайды @Pavlodarnews.kz.

Кездесуге әдеби журнал редакциясының ұжымы, Павлодар педагогикалық университетінің жанынан құрылған «Құсқанат-ғұмыр» әдеби бірлестігінің мүшелері, өңірге белгілі ақындар және сарбаздар қатысты.

Жас сарбаздардың жауынгерлерлік рухын көтеру мақсатында өткен жиынның бірінші бөлімінде бөлім сарбаздары арасындағы спорттық жарыс ұйымдастырылды.

- Жауынгерлер, алдымен, кермеде тартылудан сынға түсті. Журнал редакторы Асыл Әбіш сарбаздарға сәттілік тілеп, кермеге бірінші болып өзі асылды. Бөлімнің үш ротасының сарбаздарынан құралған командалық сында «Жауынгерлік қамтамасыз ету» ротасының сарбаздары жеңімпаз атанды. Екінші орынды «Бірінші жедел мақсаттағы» рота иеленді. Ал, «Екінші жедел мақсаттағы» рота сарбаздары үшінші орынға тұрақтады, - деді ұйымдастырушылар.

Бұдан соң сарбаздар жауынгерлік эстафетадан бақ сынасты. Бұл бәсекеде «Екінші жедел мақсаттағы» ортаның бағы жанып, көш бастады.

«Әскери бөлімдегі әдеби күн» кездесуі редакция ұжымы мен бөлім сарбаздарының ән-жыр шашуына ұласты. Әдеби кешті журналдың жауапты хатшысы, Ұлттық Ұлан сарбазы, қатардағы Еламан Қабділәшім жүргізді.

Кездесудің қонағы, айтыскер ақын, Ұлттық Ұлан сарбазы, Қарағанды қаласындағы 6505 Әскери бөлімінде мерзімді әскери қызметін өтеген қатардағы жауынгер – Қуандық Башой сарбаздарға арнау жырын жолдады.

Ал, «Құсқанат-ғұмыр» әдеби бірлестігінің мүшелері – Әбілхан Марат - Әбілхан Марат , Есенкелді Жәнібек, Әйгерім Мүлікқызы, Кербез Қабытаева, Дана Сабырбай жауынгерлерге лирикалық жырларын тарту етті.

- Кезек бөлім сарбаздарына жеткенде олар да аянып қалмады. Сайдың серке тасындай қатар тізіліп, сапта тұрған сайыпқырандардың сапында өнерді серік еткендер аз емес екен. Кезек-кезек сахнаға көтеріліп, бірі домбырамен, бірі гитарамен ән салды, бірі жыр оқыды. Кездесуге белсенді араласқан жауынгерлер Алмаз Нұрмұханбет, Арна Ризабек, Әлішер Керімқұл, Ербол Сейітқазы, Ерлан Сатыпалды қарулас қатарластарының құрметіне бөленді, - деді ұйымдастырушылар.

Кеш Жүсіпбек Аймауытовтың «Алаш әскерінің маршы» өлеңімен түйінделді.

«Әскери бөлімдегі әдеби күн» кездеуіне атсалысқан азаматтарға «Ertis Media» ЖШС-ның директоры Аида Хамзинаның атынан Алғыс хаттар табысталды.

– Жас ұрпақты әскери өмірге бейімдеп, елінің нағыз патриоты болуға тәрбиелеу жолында әр азамат еңбек етуі қажет. Бұл мақсатта Сіз бен біздің арқалар жүгіміз ауыр, атқарар ісіміз орасан. Осынау міндетті орындау барысында орнаған ынтымақтастық өз жемісін береді деген сенімдемін, - деді журналдың Бас редакторы Асыл Әбіш.

Кездесу әскери бөлімнің музейіне, кітапханасына және сарбаздардың үй-жайына саяхат жасаумен түйінделді.

Количество показов: 525

Возврат к списку

Pavlodarnews.kz АА материалдарын қолдану ережелері