Павлодар жеңіл атлеті - халықаралық дәрежедегі спорт шебері, ұлттық құраманың мүшесі, ҚР Чемпионаттарының бірнеше дүркін жеңімпазы, Азия ойындарының чемпионы, Лондон мен Рио-де-Жанейродағы Олимпиада ойындарының қатысушысы.

Дохада (Катар) өткен чемпионатта ол 100 метрге жүгіруде тұғырдың бірінші сатысына көтеріліп, 11,17 секунд нәтиже көрсеткен. Бұл Азия чемпионаттарының рекорды болып табылады.

- Елдегі және әлемдегі жағдайға байланысты бізді үйде қалуды сұрайды және мен Үкімет ұстанымын қолдаймын, сіздерді де соған шақырамын, - деп жазады спортшы туризм мен спортты дамыту жөніндегі өңірлік басқарманың Instagram @ sportpavlodar ресми парақшасында.

Ольга Сафронова көшеге шығудан немесе қонаққа барудан бас тартқаннан ештеңе болмайды деп санайды. Сонымен қатар, карантинді әдетте уақыт жетпейтін іспен айналысу үшін пайдалану керек деген пікірде.

- Әлемге өз ұстанымызды көрсетейік,  қоршаған адамдарға қамқорлық танытайық, - деп Азия ойындарының чемпионы жауапкершілік танытуға шақырады. -  Өзгелерге үлгі болайық, ал ол үшін біз үйде қалуымыз керек.

Спортшы  азық-түлік, дәрі-дәрмектер алу үшін далаға шыққанда және итті серуендеткен кезде   медициналық маска киюге, антисептик қолдануға кеңес береді.

 

Фото: ашық көздерден

 

pavlodarnews.kz

Тэги: спорт